04/09/09
Cofiwch Ail-diwnio!Caiff gwylwyr Freeview yng Nghymru eu hatgoffa i ail-diwnio eu teledu er mwyn dal ati i wylio S4C
Dymuna S4C atgoffa pawb sy'n gwylio Freeview yng Nghymru i ail-diwnio eu bocs digidol neu deledu ar neu ar ôl y 9fed o Fedi, fel eu bod yn gallu dal ati i fwynhau rhaglenni'r Sianel.
Bydd raid i wylwyr Freeview ail-diwnio unwaith eto pan fydd eu trosglwyddydd lleol yn newid i ddigidol.
Bydd pawb yng Nghymru'n gwylio teledu digidol erbyn mis Mawrth 2019. Bydd y signal teledu analog traddodiadol yn cael ei ddiffodd ac yn ei le bydd signal digidol, cryfach yn cael ei ddarlledu.
Ar ôl y newid, bydd S4C yn sianel gwbl Gymraeg. Bydd y gwasanaeth analog, sy'n darlledu rhaglenni Channel 4, yn dod i ben. Yna, bydd Channel 4 ar gael ymron i bob cartref yng Nghymru trwy'r gwasanaeth digidol.
Mae S4C yn gweithio'n glòs gyda Digital UK, y corff annibynnol sy'n gyfrifol am y newid digidol, er mwyn helpu egluro sut effaith y bydd y newid yn ei gael ar bawb.
Mae croeso i wylwyr gysylltu â Gwifren Gwylwyr S4C i wneud unrhyw ymholiadau ar: 0870 6004141 neu ewch i: s4c.co.uk/digital.
